Codanimi biilinut sillimmatit pingasut arlaat toqqarsinnaavat. Sillimmaserneq ilinnut biilinnullu aningaasaqarninnullu tulluarneq toqqarsinnaavat – aamma tulluarsarsinnaavat toqqagassatut periarfissat arlaannut, taamaalillutillu taamaallaat pisariaqartitat akilerlugu.
Akisussaasuunermut sillimmat
Inatsisit malillugit akisussaasuunermut sillimmasernermi matussuserneqassapput angallannermi ajoqusersinnaasatit – inuit allat ajoqusikkatit imaluunniit pigisat ajoqusikkat aamma biilini ilaasutit ajoqusertut.
Kaskomik sillimmat
Kaskomik sillimmasernermi iluaqutissat arlaqarput, ingammik biili nutarfasippat nalingalu qaffasilluni. Biilit nutaanngiaarpat aportinnerit annikitsut imillunnerilluunniit allat immaqa soqutigivallaassanngilatit, kisianni allaavoq biili nutarfasippat. Taammaappallu soorngunami piaartumik iluarsaatitinnissaa kissaatigissavat.
- Aqqusinikkut angallannermi ajoqusernerit
- Tillinniarnerit aamma aserorterinerit
- Ikuallannermi ajoqusernerit, qaartoornikkut aamma kallerup inneranik eqqortinnikkut ajoqusernerit
Ilaannakortumik kaskomik sillimmat
Nutaanngiaartunik biileqaruit imaluunniit biilit annertuumik nalilerneqanngippat iluaqutissalimmik eqqarsaatigisinnaavat ilaannakortumik kaskomik sillimmasernissaa. Taanna toqqarukku iluaqutissarsissaatit ilivitsumik kaskomik sillimasernermi matussuserneqarsinnaanerit ilaannik. Ilaannakortumimmi kaskomik sillimmaseruit biilip ingerlatinnginnerini ajoqusernerit tamaasa matussuserneqassapput.
- Tillinniarnerit, ujajaanerit aserorterinerit
- Ikuallannerit, qaartoornerit aamma kallerup inneranik eqqortinnerit
Codanimit biilinut sillimmasernermi iluaqutissat
- Selvrisikodækning/Nammineq akiligassap matunissaanut sillimmasernermi selvrisiko/nammineq akiligassaq akilerneqassannngilaq, tillinniarnermi, ikuallattoornermi aserorterinermiluunniit.
- Selvrisikodækning/Nammineq akiligassap matunissaanut sillimmasernermi biilit uninngaviini ajoqusernerit aamma matussuserneqarput kernekunde-ugaanni/pingaarnertut sillimmasiisuugaanni
- Biilinik ingerlatitsisutut sillimmasersinnaneq periarfissaavoq, taamaalillutillu kisimiillutit ajutooruit matussuserneqarsinnaalerlutit/sillimmaserneqarsinnaalerlutit
Nammineq ilanngussatut toqqakkat matussusiinerat
Aquttup sillimmasernera
Akisussaasuunermut sillimmatip (ansvarsforsikringip) angallannermi ajoqusertoqartillugu biilinik ingerlatitsisoq ajoquserpat allat angallaytut ajutoornermi akuusimatinnagit matussuserneqarneq ajorpoq. Assersuutigalugu taamaappoq aqquserngup sinaanut nakkarsimaguit aqquserngup pujannera pissutigalugu. Taamatullu pisoqartillugu aatsaat taarsiiffigineqarsinnaavutit Aquttup sillimmasernissaa ilanngullugu toqqarsimagukku. Taannalu ilanngullugu toqqarsimagukku Ajutoornermi sillimmammit allaanerussutigaa anniarnermi taarsiiffigineqarsinnaagavit taamatullu sulisinnaajunnaarallarnermi taartisisinnaallutit.
Suna sillimmaserneqarpa:
- Anniarneq
- Sulisinnaajunnaarnersineq
- Inuussutissarsiorsinnaajunnaarneq
- Nakorsamut kigutillu nakorsaannut aningaasartuutit
- Atisat aserortut annaasallu
- Pilersuisinnaassuseerunneq
- Ilisinermut ikiortinneq
Malugalugu ajutoornermi biili alla ajutooqataasimappat illit aquttutut ajutoornermi illua-tungerisap akisussaasuulluni sillimmaserneranit ajoqusernitit matussusissammagit – ajoquserneq apeqqutaatinnagu kiap pisuussutigineraa.
Nammineq akiligassap sillimmasernera
Nammineq akiligassamut sillimmasernermi nammineq akiligassamut (selvrisiko) arlalippaalussuartigut matussuserneqassaatit. Tamanna atuuppoq ilaatigut ajoqusernernut makkununnga:
- Biilit igalaavisa aserornerannut, tarrarsuutaat aamma qullii il.il.
- Ikuallattoornermi ajoqusikkanut aamma qaartoornermi ajoqusikkanut taamatullu kallerup eqqugaanut
- Tillinniarnermi aamma ujajaanermi
- Aserorterinerit
- Aserukkanik nakkartoqarneranit pilersitat
- Ajoqusertoqartillugu ajoqusiisorlu akiliisinnaatinnagu
- Nammineq akiligassap matussusernissaanut sillimmatip aamma biilit uninngaviini ajoqusernerit matussusertarpai
Akiusoq aamma selvrisiko
Biilinut sillimmaserninni akiliutissaq annertussuseqassaaq qanoq annertutigisumik selvrisiko-qarnerit apeqqutaalluni. Biilinut sillimmasernermi akiusoq pissutsit assigiinngitsut tunngavigalugit aalajangerneqartarpoq: Biilippit qanoq ittuunera apeqqutaalluni, qanoq biilinnik ingerlaartartiginerit apeqqutaalluni il.il.. Kisiannili illit nammineq aamma akiliutip qanoq qaffasitsiginissaa sunniuteqarfigisinnaavat – soorlu selvrisiko/nammineq akiligassap annertussusilerneratigut.
Qaffasissumik selvrisikoqarnikkut/nammineq akiligassaqarnikkut sillimmatip præmietut akiliutissaa akikilliinneqarsinnaavoq. Illua-tungaatigulli nammineq akiliutissat annertunerussaaq ajoqusersimaguit.
Biilit attartortikkukku
Biilit inummut 26-it ataallugit ukiulimmut attartortikkukku taannalu ajoqusiisimappat taava marloriaammik selvrisiko/nammineq akiligassat annertussuseqassaaq. Attartortorli 26-it ataallugit ukioqarpat illillu taanna inooqatigigukku/nuliarigukku, taava selvrisiko/nammineq akiligassaq nalinginnaasuussaaq / nikissanngilaq.
Biilinut sillimmasiinermut tunngatillugu sillimmasernermi piumasaqaaatit