Codan Care Hospitalsbehandling-i suliaritinneq napparsimaveqarfinni pisortat ingerlataanni utaqqisarnerit pinnagit inuunerit allamut atorniarukku sillimmaserfigisinnaavat. Sillimmasernerup misissortinnernut aamma nakorsanut immikkut pikkorissarsimasunit imaluunniit napparsimavinni akiliisarfiusunut suliaritinnerinut akiliutissat matussusertarpai.

Codan Care hospitalsbehandling-imut sillimmasersimaguit iluaqutissatit

Ajutoorsimaguit imaluunniit ataavartumik ajoqutissarsisimaguit / innarluuteqalersimaguit taarsiiffigineqarnissat piumasaqaatitaqanngilaq. Psykologimut misissortinnissaq / ikiortinnissaq sillimmasiummut aalajangersimasumik ilaavoq – taannalu killeqanngilaq qanoq amerlatigisunik psykologimut nakorsartissinnaanermut. Timersuutinut ulorianartunut sillimmaserneq una aamma sillimmaserfiuvoq. Nappaatit anigorneqarsinnaajunnaarsimasut taassumalu malitsigisaanik nappaatigilerneqartut qaammatini pingasuni nappaatigilikkap paasineqarneraninngaaniit sillimmaserneqarput. Sillimmatip atuutilerneraniit sivisunerpaamik qaammatit arfinillit  sioqqullugit ajoqutigilersimasat sillimmammit akilerneqarlutik suliarineqarsinnaapput.

Ukua sillimmaserneqarput

  • Codan Care Hospitalsbehandling-ip napparsimalerluni katsorsarneqarnermi aningaasartuutit, ajorunnaarsinneqarsinnaasut imaluunniit ataavartumik pitsanngortinneqasinnaasut, akilertarpai, ilaatigut diskosprolaps-imut aamma grå stær-eqalernermi aammalu siffissap nagguaata taarserneqarnerata suliaritinnerit.
  • Nappaatit anigorneqarsinnaajunnaarsimasut taassumalu malitsigisaanik nappaatigilerneqartut qaammatini pingasuni nappaatigilikkap paasineqarneraninngaaniit sillimmaserneqarput.
  • Tuaviortumik psykologimit nakorsartinnisat/ikiortinnissat
  • Tarnikkut nappaatigilikkat psykologimit phykiaterimilluunniit nakorsarneqarnerat
  • Utaqqiisaasumik angerlarsimaffimmi ikiorteqarnerit ullut 30-it angullugit sillimmammit akilerneqarsinnaasut suliarineqarsinnaasulluunniit
  • Pisariaqartumik fysioterapeutimit kiropraktorimilluunniit katsorsarneqarnerit qaammatit arfinillit angullugit sillimmat atorlugu suliarineqarsinnaasut unitsitaanermi suliarineqarnermiluunniit.

Sillimmatit atorfissaqartilissagaluarukku

Nakorsamit misissortinnissat/suliaritinnissat pisariaqartilissagaluarukku inassutigissavarput  nakorsamik attaveqaqqaarnissat.

Nakorsallu paasippagu annertunerusumik misissortinnissat imaluunniit suliaritinnissat pisariaqartoq taava sapinngisamik piaarnerpaamik attavigisissavatsigut.

Codan Care Skade sianerfigisinnaavat ulluinnakkut 08.00-imiit 16.00 tungaanut uunga: +45 33 55 38 34. Eqqaamassavat police-ippit normua piareersimatissagakku – taanna Codan Care kort-iutinni takusinnaavat. Tarnikkut nakorsartinnissamut pisariaqartitseriataalissagaluaruit ulloq unnuarlu kaajallallugu Falck Healthcare attavigisinnaavat telefon +45 70 10 20 12.

Danmarkimut angalaneq

Codan Care –imut sillimmasernermi nunatta iluani angalaneq aamma nunatsinnut nunatsinniillu angalanermut ilaanngilaq.

Codan Care Privat-imut sillimmasernermi piumasaqaatit